偏偏又經常發生....

第一最: 比人踩甩鞋踭...

第二最: 中頭獎，中o左從天而降不明來歷o既滴水...

第三最: 唔覺意沾到別人滿身嗅味o既汗水，簡直想暈低...

起初都怕自己唔習慣，入 office 前都有少少緊張，但實際上又比想像中無o甘唔習慣.  起碼無唔知醒起身，無食完午飯 "恰" 眼瞓，無未夠鐘食 lunch 就肚餓...

BB 唔o係身邊，的確多出好"自由"時間. 可以隨心所慾地運用自己o既時間，去銀行，去改衫，去超市，同朋友食飯，同老公食消夜...完全唔受要帶住 BB 出出入入o既限制...

之但係...其實好掛住 BB，係比我想像中還要掛住...唉...連續兩晚臨瞓前都忍唔住...

現在除o左同婆婆每日一電，重有就係相機隨身携帶，方便隨時隨地攞出o黎睇相睇 video...

BB 應該o係婆婆屋企住得好開心...

好味！！！

BB 對樣樣事物都感到新鮮好奇，雙手能夠觸摸到o既東西，都要摸一輪玩一輪．其實只要係安全，都會滿足佢o既好奇心，任由佢玩任由佢摸．不過最怕係佢用手玩完唔夠喉，要試埋味，硬要將件物件塞入口．雖則話 BB 用口探索係學習o既一種，不過通常媽媽會睇唔過眼，馬上阻止．．．

的確係好唔捨得, 不過, 無辦法, 婆婆係媽媽唯一可以放心將 bb 交托o既人. 唯有同自己講年半後就可以接bb返屋企住.  而且年半時間好快過, bb 好快可以返屋企住. 婆婆公公好錫bb, 媽媽可以好放心, 只係會心掛掛, 重有就係怕婆婆對住隻馬騮仔會好攰.

媽媽呢幾日都會暫住婆婆屋企, 等bb慢慢適應.  還好bb對婆婆見慣見熟, 應該問題不大.  不過, 好奇怪, bb 平時見到新朋友唔會喊, 就算去飲見到成枱未見過o既親戚朋友, 最多都係眼定定望住, 表現無o甘熱情; 平時見到蒙面o既醫生護士更加係興奮無比, 又笑又捉人o地o既手指唔放.  誰不知今日去到婆婆屋企, 婆婆o既印印姐姐諗住同bb 打句招呼 say hello, bb 竟然放聲大喊, 係大喊!!  可能真係開始認人...唔知下星期媽媽走左之後, bb會唔會掛住媽媽呢? 定還是weekend 再見到媽媽o既時候會唔認得媽媽呢? 希望bb會適應, 亦都希望媽媽會慢慢適應...

都係因為．．．

煲劇．．．

嗯，趁住 BB 瞓覺，有少少空閒檔期，媽媽就偷懶煲劇．．．

其實煲劇都幾浪費時間，好似係有多好時間剩，要打發時間先會做o既活動，平時真好少好少煲劇，真係幾年先一次，一煲，就一發不可收拾．．． 

煲劇，要揀開心輕鬆o既類別，太慘太緊張睇完好辛苦．開心輕鬆o既類別o麻，就離不開情情塔塔囉．基於文化差異，通常都係邊睇邊彈劇情老土但係依然要睇，真係矛盾．．．

嗯...就係睇o左呢套台劇 "櫻野3加1"

本來聽到個劇名就興趣不大，誰不知睇完一集，又想再睇，一集又一集...

每日 1 餐糊糊 5 餐奶 (150-180 ml) 已經進行o左兩星期.

糊糊都係跟從 QQ mama o既方法，將浸過o既米用攪拌機磨碎然後再煮成糊糊．果然快靚正. 

因為擔心 BB 會對糊糊o既味道抗拒，所以頭一兩次都有加入奶粉等佢容易入口．見佢對糊糊開始接受，就唔再落奶粉，開始加入其他食物．健康院姑娘o既指引係每星期只試一種食物，然後巡序漸進再入進其他種類．姑娘話最好先試節瓜，大部份BB都唔抗拒．如果無敏感就再加入其他食物，例如蛋黃及魚肉．不過，我實在...有少少心急...心諗食節瓜食足一星期...自己都怕...所以，每種食物會試食兩，三日，只選擇大路o既食物．

其實我真係好少入廚房，不過為自己 BB 煮糊糊而見佢又肯食真係幾開心．好彩煮糊糊都算係簡單方便，又唔需要調味，總之萬變不離其宗，將材料煮到佢 '淋'，然後再攪爛，再連同糊糊一齊煮滾．最後自己再試試味，認為唔難食就 ok．

嗯，現在記錄一下至目前為止 BB o既餐單：

．西蘭花糊糊 : 超級抗拒，食o左幾匙唔肯再食，最後媽媽自己食晒

．節瓜糊糊 : 接受，反應一般

．節瓜／蛋黃糊糊 : 接受，反應好過節瓜糊糊

．蜀米／紅蘿蔔糊糊 : 接受，追住食

．蜀米／蕃茄糊糊 : 接受，追住食

．蜀米／蕃茄／蛋黃糊糊 : 接受，追住食

．紅蘿蔔／魚肉糊糊 : 接受，追住食

總結．．．呀仔愛吃甜...

希望佢唔會偏食啦．

要想想辦法氹佢食西蘭花...或者下次撈其他食物一齊煮，等佢不知不覺食o左都唔知...

嗯...重可以煮咩呢??? 諗吓先...

尋日見到o係 facebook 無意中見到有位朋友近況寫住 : "....... is 22 weeks pregnant!"

以為佢開玩笑，上年年中，佢先剛剛生完 BB．於是 send msg 求證... 

嗯，結果係，一個我同一屆o既中學同學，今次已經係佢第三次做媽咪!

恭喜～～恭喜～～

第三次做媽咪! 犀利!

上年先剛剛生完 BB，話o甘快今年又再o黎過，好犀利! 

我真係覺得佢好犀利，好犀利，好犀利!!!

其實，屋企有三個小朋友，係我未結婚前o既夢想，覺得有三個小朋友屋企會好熱鬧，好開心．個組合可以係兩個仔一個女，或者係一個仔兩個女，又或者係三個都係女，總之，盡可能唔好三個都係仔...

只不過，回歸現實，生三個？

我o地能力實在有限...與其將我o地緊絀o既資源攤分成三分，倒不如集中o的，將所有資源投放晒o係呀仔身上，可能個小朋友會幸福o的...

所以短期內，唔會考慮再要第二個小朋友...

況且，懷孕初期o既辛苦滋味，我現在都未驚完...

羨慕吓朋友算了...

睇返 BB 五個月時影o既相...

.

.

.

再睇吓呢張舊相...

 我自己覺好似...除o左面形...

嗯....

果然係外甥多似舅~

因為買禮物中途 BB 扭眼瞓，所以買完就急急腳返屋企，無買到花紙．又因為唔方便再出街 (可以話係懶...)，所以唯有用 A4 紙 "係o甘而" 包住份禮物．但係 "白雪雪" 成粒方糖又好礙眼，諗起屋企好似有盒超過十幾年歷史o既木顏色筆，所以決定幫份禮物加工．．．

嗯，盒頂有兩個類似 "嘉頓" o既 logo 其實係 outline BB o既腳板 ...

希望抽中我地份禮o既朋友唔會介意o的圖畫肉酸啦~

 踢被，飄移經常發生．媽媽都見慣不怪...

今朝起身見佢又有新花式，於是忍唔住將佢影低...

 放對腳o係床欄杆真係好瞓o的咩...

半歲人仔係點樣?

係o甘樣:

因為事前唔知爸爸今日會得閒陪我o地去吉之島，之前一晚先正 o係網上買完一輪．

不過，既然一場o黎到，無理由空手而回，又反正減價，結果買o左幾本書書比 BB．

．When I'm Feeling Kind - original $ 68 / now $39.9

．The Lion King - original $85 / now $49.00

．ABC (學習認知遊戲書) - $28.00

．123 (學習認知遊戲書) - $28.00

選擇實在唔多，架上面大部份o既書籍都係適合年紀大小小o既小朋友，而且好多係練習o既習作．

"When I'm Feeling" series 重有其他： "Loved, Jealous, Lonely, Sad, Angry, Scared, Happy"．其實都有興趣買晒成個 series，不過架上面又唔齊全，而且搬放出o黎o既書有少少殘舊，再加上一次過買太多媽媽又唔捨得...

至於 Disney 系列，我其實唔係太大興趣．比較 classic o既故事書都係講皇子同公主，而且好多時故事內容埋伏o左仇恨同妒忌．Disney Pixar o既故事 (例如 Toy Story) 我諗睇 DVD / VCD 會精彩o的．不過，我唔鍾意不代表 BB 唔鍾意 (雖然佢現在唔識)，所以都揀o左本 The Lion King...

"ABC"，"123" 貪佢細本得o黎又夠厚，無o甘容易比 BB 撕爛.

買完書落o左去樓下超市，實在係好好好多人...

下次再去吉豬島，我諗盡量都唔揀星期六，日...

BB 就快 6 個月大，動作越o黎越多...

放佢落床總唔會安安定定瞓o係到，

一係玩自轉，

一係玩反身，

有時又會攝住o左隻手仔o係床邊，唔識自己伸返隻手出o黎，要人拯救佢...

男仔真係百厭o的?

自己大肚其間都有搭地鐵，又的而且確好少人讓坐．

我覺得...其實最主要原因係大部人搭公共交通工具o既時候都o係到做自己o野，例如非常專心地打機，閉目養神聽 MP3，又或者全情投入傾電話...少有顧及週圍o既乘客．再加上近年流行衫身較長o既鬆身娃娃服飾，有時可能未必分得清 "誰是孕婦"...而且懷孕初期未現肚，其他人根本唔會察覺到邊個係孕婦...

當然，自己如果搭車時見到有孕婦一定會讓坐，但我不會埋怨自己大肚時為什麼沒有人讓坐．

反而係，如果當我抱住 BB，企o係週圍o既人不但無禮讓，重要無禮貌，我就覺得好唔應該．

上次帶 BB 去完復診打算搭的士離開．婆婆手抱 BB，我就揹住大包細包，天黑黑好似想落雨，o係街到企o左好幾分鐘終於見到對面馬路有架的士．於是我地快步過馬路，點知失驚無神有位穿著恤衫西褲o既年輕男仕一手打開的士車門，我地三婆孫當然心有不甘，雖則無講出口，但係都希望該位人兄會讓我地上車先...誰不知佢竟然講 : "咩o姐，我先o架..."  唉... 實在唔想大街大行同佢展開罵戰...只係心裡暗罵 ："先生，你都有機會做人爸爸o架..."

唔係因為佢豬年出世，而係因為佢個樣懵吓懵吓...

.

.

.

重未好識玩玩具，不過都比佢學吓．．．

．

．

．

一笑就有o的似爸爸樣...

.

.

.

成日都好肉緊...

.

.

.

遠睇好似一粒骰．　坐姿就好似一隻蜻蛙...